Aizawl : BJP Mizoram state president Vanlalhmuaka’n “India ram mipuiin BJP min thlan chhan chu kan manifesto, mi- pui hmaa kan intiam- nate a hmatiama kan tih zel vang a ni” a ti.
BJP din champha puala nimina BJP Mizoram state office, Aizawla inkhawm buatsaihah he thu hi BJP, Mizoram state president chuan a sawi a. Mizoramah chuan party dang ten mipui hmaa an intiam angin thil an ti thin lo nia sawiin, “Mizo mipuite nasa takin min bum a, politician te rinloh- naah min hruailut a, a pawi hle a ni” a ti.
Vanlalhmuaka chuan India rama Sakhaw danga inleh khapna kalpuitute chu Congress sorkar- na state an nih thu ZPM leader Lalduhoma pawhin a sawi tawh nia sawiin, “BJP hi Kristiante tan hlauhawm leh thalo anga an sawi fo hi chu dawt a ni tih hi Mizoram mipui ten kan hriat nawn ka duh a ni” a ti bawk.
BJP Mizoram state president chuan India ramah BJP a sorkar atangin hmasawnna hmuh theihin a thleng nia sawiin, “Hmasawnna chu Mizoramah pawh thil thlir zau deuh te chuan an hmuin an hre theuh tawh awm e, chu chuan BJP sorkar kan mamawh zia a tichiang a, BJP sorkar kan neihna turin nasa taka min puih a rinawm” a ti bawk a ni.