Russia-Ukraine buai mekna chu India chuan \ha a ti lo tak zet tih External Affairs Minister S Jaishankar chuan Nilaini khan a sawi a. New Delhi chuan a \anna lam a thlang a nih chuan muanawm leh tharum thawhna tihtawp nghalna lam zel a thlang dawn tih a sawi.
Lok Sabha-a Ukraine chungchang sawihonaah Jaishankar chuan India chu a mite la chhuak hmasa ber ram a nih thu leh ‘mi dangte pawh tihhmuhtu’ a nih thu a sawi.
India chuan Ukraine leh Russia chu inbe turin a ti reng tih a sawi a, an president ve ve pawh hetiang tur hian a nawr tih a sawi a. Inbiakna a awm theih nana New Delhi-in \angkaina a nei dawn a nih chuan a pui thei reng tih a sawi bawk.
India-in a hawi lam chu inbiakna dah hmasaka buaina chin fel a nih thu a sawi.
Ukrainian khawpui pakhat, Bucha-a civil mite that chungchang pawh Jaishankar chuan sawiin, India chu hetiang thil a thleng tih sawi awm hian a tibuaiin pawi a ti hle tih a sawi.
“Hetiang inthahna a thleng hi na takin kan dem a, he thil hi thil serious tak a ni a, a hranpaa chhuitu tur din pawh kan duh a ni,” a ti.
Jaishankar chuan India-in Ukraine chu a ngaihven reng tih a sawi a, “A pawimawh leh a hmasa berah chuan buaina awm hi kan duh lo va, thisen chhuahna leh mi tam tak nunna thap hian thil a ching fel lo va. Tun ang hunah chuan inbiak leh palai intirh tawn hi buaina chin felna \ha ber a ni,” a ti.
Khawvel ram tam zawkin Ukraine a rûn avanga Russia an dem laiin India hian a ngaihdan mumal a la sawi ve ngai lo va. UN thutkhawmah pawh Russia demna thu sawihonaa pawh vote thlak duh lovin a hai a, tunah hian khawthlang ramten an hrekna karah Russia tuialhthei chu \hahnem tak a leisak mek bawk a ni.