Machine gun leh rocket-propelled grenade nena inthuam mi sual rualin Nigeria chhimchhak lama lung in an beihnaa mi tang 1,800 chuang an chhuahtirte chu thuneituten man leh tumin an um zui mek.
Imo state-a Owerri khua hi Thawh\anni zing dar 2:00 vela beih niin a khuaa cheng, Uche Okafor chuan a sawi a. Police leh military building pawh an bei niin thuneitute chuan an sawi.
“Tang tlan chhuakte man leh tumin theihtawp chhuah a ni,” tiin tan in thupuangtu, Francis Enobore chuan a sawi a, mi tang zinga 35 chu an tlan chhuak ve lo niin a sawi bawk.
Tun \uma beihna thleng hi chawlhkar hnih liam ta leka Nigeria chhim chhak lama police station, sipai checkpoint leh tan in lirthei beia venhim hna thawktu \hahnem tak thah an nih hnua thleng a ni.
Tun \uma beihnaah hian a titua inchhal an awm lo va; mahse, Nigeria inspector general of police chuan Indigenous People of Biafra (IPOB) leh an hnuaia mi, Eastern Security Network (ESN) an nih thu a sawi.
“Kan chhui tawh chinah chuan Indigenous People of Biafra tih a ni,” tiin Nigerian police thupuangtu, Frank Mba chuan a sawi.