Aizawl: Mizoram Kohhran Hruaitute Committee (MKHC)-in dan lova ram pawn a\anga bungraw lakluh, smuggling ti lo turin ram mipui an ngen.
Hemi chungchanga thuchah an tihchhuahah MKHC chuan smuggling te, hmasawnna ruhrel thawhna leh kawng danga dik lo taka sum siamte chu ti lo tur te, kuttlinglova sum lak luh leh duhamna \ha lo lakah inveng fimkhur turin ram hruaitute leh mipuite a ngen tih an tar lang.
MKHC chuan ram ngawte a chereu zel avangin nasa takin tui hna a tlem ta a, Mizoram chu thlalerah a chang mai ang tih a hlauhthawnawm ta tih sawiin, tuihna siamtu thing leh maute tichereu lova lui dung ramngawte chu mi mal leh pawl ang pawha hlawkna um avanga tihchereu a nih loh nan leh \ha taka humhalh a nih reng theih nan theihtawp a hma la zel turin thuneitute leh mipuite an ngen tih an sawi.
Covid-19 leng dona kawnga sorkar, NGO, LLTF leh Kohhranten thawhhona \ha tak an nei chu lawmawm an tih thu MKHC chuan sawiin hri leng a ziaawm zel theih nan te, kohhran nun leh rawngbawlna te \ha taka a \han zel theihna tur tea \hahnemngai taka \awng\ai zui zel turin mipui an sawm a ni.