Aizawl: Excise & Narcotics Department (END) chuan hmun thumah heroin leh methamphetamine an man.
Nilaini tlai dar 3:30 vel khan Edenthar-ah heroin gram 12 (hawng 1) leh a neitu nia puh mi pahnih – Lalparmawii (36) leh Zochhuani (46), Edenthar venga khawsa mek ve vea inchhalte chu an man a. An man tuk zing dar 1:45 vel khan an hnen a\ang hian heroin gram 164 (hawng 12) an mansak leh a ni.
Nilaini vek tlai dar 3:45 khan Rangvamual Mel 3-ah heroin gram 9 (hawng 1) leh a neitu nia puh – T.C. Lalthana (46), Rangvamual Mel 3-a khawsa nia inchhal END hian an man.
Hemi ni vek zan dar 6:58 khan Bawngkawn Hmar Vengah heroin gram 176 (hawng 14) leh Methamphetamine gram 142 (tablet 1,340) leh a neitu nia puh – Zahmingliana (47), Chhinga Veng, tuna Bawngkawn Hmar Veng-a khawsa mek nia inchhal chu an man bawk.
END in ruihhlo an man hi heroin gram 349 (hawng 27) leh Methamphetamine gram 142 (tablet 1340) a ni. Ruihhlo vanga mante hi dan tlawhchhanin thubuai siamsak an ni.