I pasalin a bialnu hlui a la be fo mai

INTIHBUAI PUMPELH RAWH
Tharum emaw tawngkam na tak tak hmanga inhmachhawn nghal bawrh bawrh hi awmze nei lo leh buaina tipunlun tu mai mai a ni tih hre hmasa ang che. Ni e, insum a har a, han tih deuh nghal buan buan chu i thil tih tum leh châk zek zek pawh a ni thei.

Mahse, hetianga i tih chuan i pasal khan chhuanlam fahrah te te a siam nghal zut zut dawn a, peih leh peih lovin, “Thian tha kan ni a,” tih leh, “Aw… ka hmelhriat a ni a, ka biak loh te’n” tihte chu i hre nghal char char ang. Chu ai chuan, thil awmdan kha ngun tak leh uluk zawka thli thlai tur a ni a, hlauhthawn tur a awm em tih thlengin inzawtfiah ang che. Chumi hnu-ah a tul dan a zira hmachhawn zawk tur a ni ang.

PUITLING TAKIN CHE RAWH
I pasal nena inkara harsatna lian bera kha a bialnu hlui nena an boruak leh sawi neuh neuh awm vang nia i lantir chuan thil awmze nei lo leh tul lo tak taka inhambuai a, mahnia phurrit insiam mai mai angah i pasal khan a ngai mai dawn a, in inkar boruak aia midang nuna lo buai vak vak maia kha inpahnih tan thil hlauhawm tak a ni a ti keuh mai ang. Chu ai chuan, puitling takin thil awmdan sawipui la, pangngai taka khawsak tum bawk anga che. Hei hian i pasal hi i ring tawk a, in nupa nunah pawh rinna i nghat ngam tih chiang takin a lantir dawn a ni.

FEL FAI TAKIN CHE RAWH
Engemaw sawi sep sep a awmin, a tul dan a zira pasalte nu leh an farnu te pawh pun a, an ngaihdan lak te pawh a tha. A chet dan leh khawsak dana an lungawi lohna leh an ngaihdan a nih lohna hi a langin emaw lang lovin emaw an lantir mai dawn a, i pasal tan thil nuam a ni hranpa lo khawp ang. Nangmah mai ni lo, mi pathum pali velin an karcheh tawh chuan din ngheh harsa a ti hle ang.

COUNSELLOR/RILRU LAM THIAM PAN RAWH
A bialnu hlui nen khan an inhnimnai viau tih i chian chuan, counsellor emaw rilru lam thiam te pawh rawn a tha a. Tawngtaina nena rinawm taka atan din ngheh tum tlat a tha. Chuti lova, “Engnge maw a nih bik le, tunge ka nih chu a hre ve khawp ang,” tia runluih emaw thungrulh ang chi hi reilote chhung atan paw’n thil tha lo tak a tling a, buai lehzualnaah mi a hnuk lut thei.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427