Kum 2016 khan ‘Queen of Instagram’ tia hriatlar a ni a, he social media platform-a follower ngah ber a ni. Mahse, kum 4 kalta atang tawh khan internet a buaipui tawh lova, rilru lama hriselna a neih phah, tiin Selena Gomez-i’n a sawi.
Good Morning America-ah, “Kum 4 leh a chanve kalta atang khan internet ka buaipui lova, ka nun a thlak danglam hle. Tunhma zawng aiin ka hlim a, tun dinhmunah ka cheng thei a, midangte nen pawh inzawmna tha zawk kan nei. Internet thiltihtheihzia ka hrechiang a, kawng tam takah khawvel tan thatna leh tangkaina pawh a thlen,” a ti.
Instagram-a followr maktaduai 300 chuang nei mek zaithiam, filmstar leh producer ni bawk hian ‘Wondermind’ tih thupui hmangin rilru lam hriselna platform siamin, heti ang lama harsatna nei te tanpuina leh chhawmdawlna a kalpui mek.
“Mi thenkhatte’n harsatna an neihin kalna hmun an nei a, vanduaithlak takin sum tam tak sen ngai te a lo ni a.
“Mahse, kan programe kaltlang hian a bik takin hmeichhia te’n damna an chang thei a, hriatthiam an ni a, rilru lam hriselna chungchangah pawh enkawlna tha an dawng thei a ni,’ tiin Selena hian a sawi.