Aizawl : School Education Minister Lalchhandama Ralte chuan Manipur leh Mizoram inkalpawhna tur Zoram kawtchhuah thar sial mek a ni tih a sawi.
Lalchhandama Ralte hian Ratu Community hall-a amah lo dawngsawngtu kalkhawmte hmaah thu sawiin, Manipur nena inkalpawhna tur Zoram kawtchhuah thar sial mek a ni tih a sawi a. “Tuivai luiah Cement Concrete-a lei dawhna tur sorkar laipuiin a pawm tawh a, lei dawh zawh hunah chuan Zoramin kawtchhuah thar kan nei dawn a, hmasawnna rotling kan nei dawn a ni,” a ti.
SEDP chungchang sawiin Education Minister hian hman \angkai tur leh Bingtaii ang maia a chi tur kanpuaha eizo mai loin, eizawnna nghet bul \an nana hmang turin kalkhawmte a chah a. SEDP chu MLA bial tinah a thawhkhatna’n chhungkaw 1500 \heuh sem phawt a nih dawn thu leh a thawh hnihna sem zel a nih tur thu a sawi.
Minister chuan Mizoramin hun khirh tak tak hripui, vawk pul hri, ramri buai, khawchhak lirnghing te leh Myanmar buai avanga raltlan te a hmachhawn a, ei leh barah harsatna tawk loin kan paltlang thei a, Pathianin he sorkar hi a hruai zel a, harsatna karah hma lam panin sorkar a kal zel a ni, a ti bawk.
Ratu khua a tlawhnaah hian Minister hi Sinlung Hills Council Executive Member-te leh Samagra Shiksha officer \henkhatten an \awiawm a ni.