aIZAWL: Congress Treasurer Zodintluanga Ralte, MLA, chuan MNF party in mipuite hmangaihna a neih loh thu sawiin, “Tuna SEDP Vaimim chi an pek hi kuthnathawktute hmuhsitna a ni,” a ti.
He thu hi nimin zinga Bunghmuna party inhmuhkhawmnaah Thorang bialtu MLA Zodintluanga Ralte hian a sawi a. Tuna SEDP vaimim chi an pek hi kuthnathawktue hmuhsitna a ni tih sawiin, “Hetiang hi chhuanmang rorel a ni ber mai. Lo in hal vek tawhah Vaimim chi bah khat tuh zawhna a awm lo ang,” a ti a; MNF sorkarin vaimim chi SEDP atana an sem chu kuthnathawktute tan harsatna thlentu mai a nih tur thu a sawi.
“Vaimim chi dawngtute hi lo nei miah lote pawh an awm a ni. Kar leh lawkah Bekang chi a lo thleng leh anga, engtin nge in tih ang?” Zodintluanga Ralte hian a ti.
CLP Leader Zodintluanga Ralte hian MNF sorkarah mipuite khaichhuahna tur a awm loh zia sawiin, “SEDP Board-ah mi thiam rual an nei a, Chengkawl khawite an rawt a, eng chin nge kan ta ni ang tiin in buai in buai dawn. Mipuite hmangaihna leh khaichhuah tumna hi a awm lo. He sorkar hian kan sum dinhmun an tichhe vek tawha contractor leh supplier tan cheng vaibelchhe za tel a tang tawh a ni,” a ti bawk.
“Sorkar \hat loh vangin mipui leh sorkar hnathawkin kan tuar vek a ni. Hetiang hi sorkar reng turin kan duh ka ring lo, public-ah pawh thudik sawi ngam party kan ni, thudikah i \ang zel ang u,” tiin Zodintluanga Ralte hian a sawi.
Congress Party chu ram tana thil \haa inpuahchah mek a nih thu Zodintluanga’n a sawi a, “Hetiang sorkar siam\ha leh tur hian Congress party a inpuahchah a, tunah hian mi dik ‘Mr Clean’ an tih Pu Lalsawta kan zuar a, kan ram leh Finance siam\ha leh turin kan nei a ni. Congress party a thawh lehna turin tunah hian tha i thawh ang u,” a ti a ni.
Thorang bialtu MLA hian nimin vek khan June ni 7, 2021-ah din \an, a bial chhung Bunghmunah Thianbuka Higher Secondary School Higher Secondary School a hawng nghal a. A hawn lawmna’n Zodintluanga Ralte hian cheng nuai 5 a thawh a ni.
Zodintluanga Ralte hian a bial a fannaah hian Marpara South, Terabonia, New Sachan, Mauzam, Old Sachan, Sumasumi leh Tuikawite tlawhin Congress party-ah mi thar a lawmlut bawk a ni.