Rihanna, Jay-Z leh Kanye West te chuan Forbes’ billionaire list thar berah a vawikhatna ni turin an lang ta a, khawvela sum lalut hnem ber te rualin an hming nemkai a ni.
Forbes annual list-ah hian Rihanna hi hmeichhe musician zinga hausa ber niin, $Billion 1.7 a thutpui mek a, Fenty Beauty business leh Savage XFenty lingerie line te’n sang takah an vawrh.
Khawvela hausa ber list-ah Rihanna hi 1,729 na niin, Jay-Z hi 2,076 ah awmin, $Billion 1.4 a nei a, Kanye West erawh 1,513-naah a awm.
A chungah ber Tesla leh SpaceX CEO Elon Musck chu $Billion 219 lawih nen a thu vang mai. Pahnihnaah Amazon hotupa Jeff Bezos a lang a, $Billion 50 nen a theuneu hle. Pakhatna nen khaikhina an in-thlauhna a tam angreng a, $Billion 171 a ni.
Final list-ah billinaire 2,668 ang lang a, nikum khan 2,755 a ni thung. An hausakna belhkhawm tlakhniamna $13.1 trillion a tling.