Uttarakhand Chief Minister Pushkar Singh Dhami chuan Zirtawpni khan ei ruk dona tur, anti-corruption mobile app chu tlangzarhin state sorkarin ei ruk do beihpui a thlak chu a kalpui zel dawn tih a sawi.
Vigilance department-in an siam, ‘1064 Anti-Corruption Mobile App’ hi mipuiin awlsam taka thuneitute hnena complaint an thehluh theihna tur a nih thu Dhami chuan a sawi.
“Ei ruk awm lohna tura Uttarakhand siam tumnaa penna a ni a, chu chu kan tum a ni a. Eng ang pawh ni se ei ruk kan dona hi kan kalpui zel ang,” tiin state secretariat-a a tlangzarhnaah a sawi.
Vigilance Director Amit Sinha chuan app hi Hindi leh sap\awnga hman theih niin number hmang emaw, phone hmang emawin complaint a thehluh theih a, complaint thehluttu nihna chu thup tlat a ni dawn tih a sawi bawk.