Mizoram a 2nd Division cricket club-te inelna final-ah Armed Veng Cricket Club chuan an khingpui Gladiators Cricket Club chu run 7 in an hneh a. Champion trophy an chawi.
Durtlang Playground a final a nih ang ngei a inkhel hmuhnawmah Armed Veng CC in vuak an thlang a. Over 40-ah run 264 an siam.
An wicketkeeper Lalrinawma Chhangte chuan ball 68 a\ang run 85 a siam a. Nasib Rai chuan run 63 a siam bawk. Anni pahnih inkawp hi Armed Veng tan a pawimawh a, an innings tawp lama four runs vawi thum leh six runs vawi khat vaw tu Freddy Zochhuanawma’n run 26 a siam tel.
Gladiators bowler zingah Lalhriatpuia Ralte chuan wicket 4 a la a, Zoramthanga’n wicket hnih a la ve thung.
League a sang ber Gladiators in chak turin bul an \an \hat a pawimawh tih an hria, tiang tak chuan an \an a. Opener H. Lallawmawma leh Akash Singh te ding dunin run 66 an siam nghal. Mahse Armed Veng tan wicket 4 la tu Arbin Shahi a pawimawh a. Ani hian Gladiators top order batsman-te wicket pahnih a lak bakah an no. 4 batsman wicket a la.
Gladiators tan run 88 siam B. Lalchhuanawma chuan chak thei dinhmunah a team a hlangkai a, run 33 siam Sawitluanga nen an inkawp nghet hman. Mahse a khat tawka Armed Veng bowler ten wicket an lak reng avangin over 39.2-ah an out zova, run 257 an siam.
Final a khel pahnihte hi season tharah 1st Division a khel turin an kaisang.
Mimal chawimawinaah Armed Veng CC player pawimawh Arbin Shahi chu Man of the Series a thlan a ni a. Match 8 a\anga run 413 siamtu Zemabawk Pitchers CC batsman Zomuansanga chu Best Batsman niin final thlenga wicket 25 la Gladiators bowler Zoremsanga chu Best Bowler a thlan a ni.
Khaled Memorial 2nd Division Screening Tournament 2021-22
Final
Gladiators CC vs Armed Veng CC
DURTLANG PLAYGROUND, Aizawl, 40 Ov., Limited Overs, 08-Apr-22
Toss: Armed Veng Cricket Club in vuak an thlang
Armed Veng Cricket Club 264/9 (40.0 Ov)
Lalrinawma Chhangte 85(68)
Nasib Rai 63(70)
Freddy Zochhuanawma 26*(28)
Lalhriatpuia Ralte 4/47(8)
Zoramthanga 2/49(8)
Akash Singh 1/41(7)
Gladiators Cricket Club 257/10 (39.2 Ov)
B. Lalchhuanawma 88(68)
Akash Singh 36(32)
Sawi Tluanga 33(28)
Arbin Shahi 4/45(8)
Govind Sarki 2/34(3.2)
Nasib Rai 1/44(8)
Armed Veng Cricket Club run 7 in an chak
Man of the match : Lalrinawma Chhangte (Armed Veng Cricket Club)