Zirtirtu rawih nan SEDP sum pe chhuak

Aizawl: Sorkar enkawl zirna ina zirtirtu indaih loh zualna hmunah a nghet loa zirtirtu 30 rawihna turin SEDP sum pek chhuah a nih tur thu chief minister-in HRD vice chairman a hrilh.
Human Resource Development Board Vice Chairman L Thangmawia chuan Ningani khan Chief Minister Zoramthanga chu a pisaah kawmin primary school leh middle school a zirtirtu indaih loh zualnaa zirtirtu rawih dan tur a sawipui a, chief minister hian zirtirtu 30 lawmman tur hi SEDP sum atangin pek an nih tur thu a lo sawi a ni.
Zirtirtu indaih lohna hmunah hian a nghet loin tual chhung mi chhawr an ni thin a, chung mite lawmman tur chu SEDP sumin pek a lo ni tawh thin a, zirtirtu 500 chuang lawmman te SEDP atanga pek a lo nih tawh avangin HRD vice chairman hian Chief Minister hnenah lawmthu a sawi a ni.
Lengteng bialtu MLA L Thangmawia hian a bial chhung chungchang sawipui bawkin, bial chhung khaw hrang hrang inkalpawhna kawng siamna tur sum a ruahman sak avangte, khaw thenkhata infiamna hmun siamna tura sum a ruahmanpui te avangin chief minister hnenah hian lawmthu a hrilh bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427