Nagaland-a Assam Rifles sipai dahte chuan ni hnih liam ta chhung khan National Socialist Council of Nagaland (NSCN) hel pawl chi hniha mi pahnih an man.
Assam Rifles leh Nagaland police tangho hian NSCN (Nikki Sumi group) mi pakhat chu Pathianni khan an man.
Assam Rifles thuchhuahin a tar lan dan chuan an mi man hi truck driver ruk bonaa inhnamhnawih a ni a. Police nen hian truck driver pawh hi an chhanchhuak.
Truck driver hi Dimapur district-a Khehokhu khua atangin an chhanchhuak a. “AssamRifles leh Nagaland police tanghovin June 13-a beihpui an thlaknaah NSCN (Nikki Sumi Group) pawla mi man niin truck driver an ruk bo pawh Khehokhu, Dimapur, Nagaland atangin chhanchhuah a ni,” tiin Twitter-ah an tar lang.
Assam Rifles sipaite hian NSCN (KN) pawla mi, brown sugar box 10 kawltu an man bawk a. An thil man hi Rs 35,000 man vel nia ngaih a ni.
Assam Rifles hian Nagaland police nen bawka tanghovin Thawhtanni tlai khan an man tih an sawi.
Burma Camp, Dimapur-ah beihpui thlakin hel leh a thil kawl hi an man chhuak.
“Assam Rifles-in June 11-a Nagaland police nen beihpui thlaknaah NSCN (KN) mi leh brown sugar box 10, Rs 35,000 man hu chu Burma Camp, Dimapur district, Nagaland-ah man a ni,” tiin Assam Rifles hian Twitter-ah an tar lang.