Sorkar inthlahdah vangin mi nuai 40-in Covid thihpui : Gandhi

Congress hruaitu, Rahul Gandhi chuan sorkar inthlahdah vangin Indian nuai 40 zetin coronavirus hripui an thihpui niin a sawi a. Thi chhungte hi zangnadawmna Rs. nuai li \heuh pek a phut bawk.
Twitter-ah Gandhi hian New York Times chanchinbuin a tar lan thlalak (screenshot) tar langin, India chu WHO-in Covid vanga thihna thlenga thawhhlawk bera a puanna chu a tar lang niin a sawi.
“Pu Modi-a hian thu dik a sawi lo va, mi dang pawhin an sawi hek lo. Tun thlengin oxygen tlakchham vanga thi an awm loh thu a la sawi a ni!” tiin Gandhi hian Hindi-in a tar lang a, screenshot a tar lang bawk.
“A hmaa ka lo sawi tawh angin – Covid len laiin sorkar a inthlahdah a, mi nuai nga chauh a ni lo, Indian nuai 40 an thi a ni,” tiin Congress chief hlui hian a sawi a. “Pu Modi, i mawhphurhna hlenin Covid vanga thi chhungte hi zangnadawmna Rs nuai li \heuh pe rawh,” a ti bawk.
Hetih lai hian India chuan Inrinni khan World Health Organisation (WHO)-in Covid vanga thi a chhut dan (methodology) chungchang chu a zawt fiah a. India ram ang ram zau leh mihring tamnaah hetiang mathematical modelling hmanga chhutna chu a rintlak loh tih a sawi.
Union health ministry chuan April 16-a ‘India Is Stalling WHO’s Efforts to Make Global Covid Death Toll Public’ tia thu chhuah chungchanga thu chhuahin India chuan WHO hnenah hian thi zat an chhut dan a ngaimawh thu a hrilh fo tawh tih a tar lang.
Congress erawh chuan sorkar hian COVID-19 vanga thi zat dik tak a puang duh lo niin an puh a, thite chu Rs. Nuai li zela ral an phut bawk.
Health ministry chuan India-ah hian Covid vangin mi 5,21,751 an thi tawh niin a chhinchhiah.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427