CM hovin Martar thlanmual siam that dan tur sawiho

Aizawl: Chief Minister Zoramthanga hoin Luangmuala Martar thlanmual siam that leh tihchangtlun dan tur an sawi ho.
Chief minister hoin Inrinni zing khan Art & Culture Minister R Lalrinliana leh Dy. Govt Chief Whip Lalrintluanga Sailo leh Martar Thlan Committee member dangte chuan Luangmuala Martar thlanmuan thawm that leh cheibawl ngai lai te an en ho a, tihchangtlun belh nana hmasawnna ruhrel din theih dan remchangte an en ho bawk.
Kumin February thla khan Martar thlanmual hi cabinet meeting-in sorkar kutah dahin, chief minister chairman-na hnuaiah a enkawltu tur Martar Thlan Commitee din a ni a. Art & culture minister chu co-chairman a ni a. Member atan hian sorkar leh tlawmngai pawl atang bakah mi mal ruat bik dah an ni.
Martar thlanmual enkawl hna hi sorkar kuta a luh hma, kum 2000 khan Martar Thlanmual Siamtu Committee din a lo ni tawh a. Mizo Hnam chhan nana nunna chânte, hnam dang kuta thi emaw, Mizo kuta thi emaw, thliar loin, Mizo Hnam chhan nan a thi an nih phawt chuan thlanmualah hian dah ni se la, tiin he committee hian a lo rel tawh a. Committee-ah chuan tlawmngai pawl hrang hrangte an tel a ni.
Tun dinhmunah he thlanmualah hian Martar hming 1,563 dah tawh a ni a, Martar te ruhro 65 dah a ni bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427