Union DoNER Minister Karen Rijiju chuan India hmarchhak tana pawisa a dah zinga 30% zet chu ngaihsak hlawh ngai lo leh hnam changkang zawkte chawisanna atana hman tura ruahman a nih thu a sawi.
Rijiju hi Arunachal Pradesh-a Chakma hnam aiawh, ‘Committee for Citizenship Rights of the Chakma & Hajong’ te chuan Inrinni khan kawmin sorkar laipuiin tun hmaa ngaihsak hlawh ngai lote chu a ngaih pawimawh thu a hrilh.
“North Eastern Council hnuaia hmasawnna ruhrel dinna tura scheme hrang hrang kalpui mek zinga 30% chu India hmarchhak state-a hmun kilkhawr zawk te, khawtlanga hniam zawk leh ngaihsak hlawh ngai lote tana dah a ni,” tiin an inkawm zawhah Twitter-ah a tar lang.
Union Home Minister Amit Shah-a thurawn angin North Eastern Council hnuaia hmasawnna ruhrel dinna tura ruahmante chu Ministry of DoNER-ah thlen tawh niin hengte hi Cabinet thukhawm chuan a pawm vek tawh tih Rijiju hian a sawi bawk.
Rijiju chuan Prime Minister Narendra Modi-an India hmarchhak chu a ngaih pawimawh thu leh ram chhung hmun dangte ang bawka state hmasawn a nih ngei theih nana hma lak chu a duh ber a nih thu a sawi bawk.