India ramah darkar 24 liam ta chhung khan coronavirus kai mi 2,067 hmuh chhuah leh hman a ni.
Hri kai hmuh chhuah tharte nen hian India-ah hian COVID-19 kai mi 4,30,47,594 an awm ta a, enkawl lai pawh pung hretin mi 12,340 an awm mek tih union health ministry chuan a tar lang.
Darkar 24 liam ta chhung hian mi 40-in hri leng hi thihpui leh hmanin mi 5,22,006-in an thihpui ta bawk.
Hri kai hmuh chhuah tawh zawng zawng atanga chhutin a kai enkawl lai hi 0.03% an la ni mek a, 98.76% erawh enkawl dam an ni tawh tih ministry chuan a sawi.
Darkar 24 liam ta chhungin hri kai enkawl lai hi mi 480-in an pung leh hman a ni.
Darkar 24 liam ta chhunga sample endik zinga a kai hmuh zat hi 0.49% a ni a, chawlhkar khat liam taa endik zinga 0.38%-in an kai tih hmuh a ni bawk tih health ministry chuan a tar lang.
Hri kai hmuh chhuah tawh zinga mi 4,25,13,248 chu enkawl dam ni tawhin thihpui hi 1.21% a la ni bawk.
Invenna pek beihpui thlak mek zelah vaccine dose vaibelchhe 186.90 chuan pek a ni tawh bawk.