Chanmarians leh 3C an chak nawn

Ningani a hnehna an chan ve ve hnuah Chanmarians Cricket Club leh Chhinga Veng Cricket Club ten hnehna an chang nawn ve ve a. Zirtawpni ah Kulikawn CC leh Ramhlun Venglai an hneh.
Suaka Cricket Ground a inkhel hmasa ah Chhinga Veng in vuak thlang zawk Kulikawn cchu over 17 chhungin run 68 chiah an siam tir a. An bowler Lalthlanawma chuan over 4 vawmin wicket thum a la a. Sumit Lama chuan wicket hnih a la bawk.
3C hian over 13.1 ah harsatna nei lovin run 69 an siam a, wicket hnih chiah an hloh.
Inkhel hnuhnung zawk a hmuhnawm a, Chanmarians in ball hnuhnung berah chak turin run khat chiah an mamawh a. Hemi hma ball hnihah wicket an hloh ve ve a. A tawpah erawh dingchang zawkah tangin wicket 4 in Ramhlun Venglai an hneh.
Chanmarians tan opener Lalhruaizela a che tha a, ball 48 atangin run 61 a siam a. Match 7 atang point 13 hmu in point li in hma an hruai fal mek.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427