PMGKAY – Lawngtlai distict-ah Buhfai quintal 49,735.50 semchhuak tawh

aIZAWL: India zalen kum 75-na lawmna -Azadi ka Amrit Mahotsav- kal zelah Food, civil supplies & consumer affairs, Lawngtlai district office-in sor- kar laipui ruahmanna Pradhan Mantri Garib Kalyan Anna Yojana (PMGKAY) pualin Law- ngtlaiah hun an hmang.
He hun hmanpuitu Lawngtlai bawrhsap Dr Andrew H. Vanlal- dika’n sorkarin mipui hamṭhatna tur ruahm- anna hrang hrang a si- am leh insenso pawh huama mipui hmakhaw ngaia a hmalaknate chu miharsa zawkte tan thil lawmawm a nih thu a sawi a. Sorkar leh FCS&CA department-in theihtawp an chhuah zarah buhfai leh eira- wng bawlna gas-ah pa- wh harsatna lutuk awm lovin mipui an awm thei tih sawiin, mipui rorelnaa awm nihlawh- thlakzia hre thar leh turin kalkhawmte a chah.
Lawngtlai bawrhsap chuan mi tam takin sorkar ral thlirin, sorkar hmalakna ṭha tak tak pawh a ep zawng leh sawisel tur chang rana an awm ṭhin nia sawiin, thil hriatchian tawk loh vang a nih thu a sawi a. Sorkar hna- thawkte chu sorkar chhiahhlawh an nih thu leh sorkar chu mipui an nih thu sawiin, sorkar ruahmannate a hlawh- tlinna tura mipuiin theihtawpa thlawp leh thawhpui a pawimawh thu a sawi bawk.
Sorkar thuchhuahin a tarlan danin, sorkar laipui scheme PMGK- AY ah hian miharsa, national food security act (NFSA) beneficiary (AAY leh PHH)-te tan a thlawnin buhfai thla- khatah mi pakhat zelah kg 5 sem ṭhin a ni a. COVID19 karah chh- uanchham an awm loh na tura ruahman niin, April, 2020 aṭanga sem ṭan chu December, 2020 thleng kalpui a ni a. A thawh hnih nan April, 2021 aṭanga chh- unzawm lehin, November, 2021 thleng kalpui leh a ni a. Kuminah hian January aṭanga sem ṭan lehin, March, 2022-a tawp tura tih ni mahse, COVID19 hri lengin ziaawm lam a pan theihloh avangin Prime Minister-in September, 2022 thleng a pawtsei leh a ni.
DCSO Lawngtlai hn- uaiah PMGKAY kaltla- ngin April – December, 2020 ah a thlawnin buhfai quintal 24,448.60 sem niin, dailuah quintal 332 leh chana quintal 531.11 sem a ni a. April – November, 2021 ah buhfai quintal 16,284. 55 sem leh niin, January–April, 2022 ah buhfai quintal 9,002.35 sem a ni tawh a. DCSO Lawngtlai hnuaiah PMGKAY beneficiary 44,949 awmin, PMGK- AY kaltlanga a thlawna buhfai sem tawh zawng zawng qtl 49,735.50 a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427