Rilru hah umkiang
Damlo zai ngai nia an hrilhte hnenah music mawi tak mai ngaihthlak tir an nih hnu-ah stress hormone cortisol level hi 50% zetin a ngaithla ve lo te aiin a hniam zawk niin, Rocky Mountain Herbal Institute-a Dr. Roger W. Wicker chuan a sawi.
Chakna hnâr
Intihsiakna leh ‘exer’ lak vak a ngaihna hmunah hian ‘cortisol’ level hi a duh sâng hle a, intlansiaknaa tel thinte hian music tho deuh at at mai an ngaihthlak hmasak phawt hian cortisol level hi a sâng nghat zawt zawt thin.
Zirna tihmasawn
Bulgarian psychologist George Lozano chuan foreign language zirlaite zinga Baraoque instrumental mu-sic (Entirnan- J.S Bach) ngaithla thinte hi a ngaithla ve ngai lo te aiin an zir chak a, an thiam chak bawk tih a hmuchhuak.
‘Smart’ zaih
Frances Rausher chuan, “The Mozart Effect” hmangin minute 10 chhungvel Mozart music ngaihthlak anih hian a let 48% -in thil man chakna a thlen a, hei hian a lo berah minute 10 vel a daih a ti.
Hahdamna thlen
Beng (ear) specialist Alfred Tomatis chuan, ‘Baroque’ emaw classical music (abik takin, violin, viola leh cello) ngaihthlak hian Thluak kal-tlangin tihrawl mar leh sak lutuk tur a tiziaawm a, hahdamna a keng tel a, taksa pum tan hahdamna a thlen thei bawk niin a sawi.
Mut a titui
Thalaite zinga muhil thei lote’n mut hmâa minute 45 chhung vel soft music an ngaihthlak hian muthilh theihna chungchangah 35% in hmasawnna an hmu. Hei hi Journal of Advanced Nursing-ah tarlan a ni.
Lung tan a tha
Music hot leh tho at at mai ngaihthlak hian thaw-lak a tichak a, rimawi dul raih erawh chuan lungphu a timuang leh mai bawk a. Music hi chawlhtir (pause) anih chiah hian- a tira an lungphupangngai ang kha a thleng lehnghal a, chu taka chu- lung nâ leh nikhawhre lova tluk thut (stroke) laka venhimna tha tak anih thu mithiamte chuan an sawi.