World Book Day : Hnam fing leh mifing apiangin lehkhabu an chhiar nasain an ngaihlu : L Thangmawia

MZP-in Inrinni khan MZP conference hall, Aizawlah World Book Day an hmang a. Mizoram sorkara Human resources development board vice chairman L. Thangmawia’n a hmanpui.
HRD board vice chairman L. Thangmawia chuan, “Hnam fing leh mifing apiangin lehkhabu an chhiar nasain an nga- ihlu” a ti a. Lehkhabu chhiar tam lamah tha- ngthar ten tanlak a tul tih sawiin, “Lehkhabu kan chhiar tam chuan ram leh hnam tana beihna kawngah a ni emaw tawng hmasawnna tur leh tawng humhalh kawngah pawh nasa takin lungrualna min thlen ngei ka ring” a ti.
L Thangmawia chuan hnam fing leh mifing apiangin lehk- habu hlut zia an hria tih sawiin, Mizo zingah pawh mahni in-a library room nei hrang, lehkhabu ch- hiar tam leh ngaihlu mi tam tak an awm tawh tih a sawi a. Lehkha chhiar taimate hriatna chu sorkar, pawl hrang hrang leh khawtlangin mamawh ni ah an chhawr thin hle tih a saawi.
Chief minister Zoramthanga’n Mizo language development board din tura hmala tura HRD board a hriattir hnuah hmalak zui nghal a nih thu leh din fel a nih tawh thu L Thangmawia chuan a sawi a. He board-in hna a thawh theih hunah chuan Mizo tawng humhim leh tihhmasawn piahlamah Zofa chi peng hrang hrang tawng tihmasawn tura a thawh dawn ava- ngin Mizo chi peng hr- ang hrang tawnga ziak lehkhabu a pun phah hle dawn tih a sawi.
L Thangmawia chuan Mizo history ziak tam tak te Aizawl leh Lusei laimu(centric) behchhana ziak a tam avangin Zofa chi peng hrang hrang ten an pawm lo fo tih sawiin, MLD board lo piang ta chuan Mizo history thlengin hmel thar a rawn pholan a beisei thu a sawi bawk.
MZP buatsaih Wo- rld Book Day thupui ‘Lehkhabu chhiar hlut- na- tih chu MZP adviser Dr. Vanlalremruata Tonson-in a sawi a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427