Mizoram Pig farmer association (MIPFA)-in Vawik pul hri – African swine fever (ASF) leng vanga Vawk no lei tur a van avangin Vawk no man tihsan a nih thu sawiin, tha an tih loh thu an sawi a, Rs. 7000 aia tova hralh lo turin an member te an hriattir. Vawksa man Kg 1 Rs. 400 ni mek pawh tha an la ti tih an sawi.
MIPFA chuan tun thla ni 22 khan AH & Vety minsiter K Beichhua hmuin ASF vanga Vawk suatsakte hnena zangnadawmna pek chungchang an sawipui tih an sawi a. Hemi atana state sorkarin sorkar laipuia sum a dil atanga a zatve kumin March ni 22-a state sorkar a rawn pek tawh chu Mizoram sorkarin a tum ve tur (matching share) tifel thuaia Vawk vulhtu ten zanganadawmna an dawn thuai theihna tura hma la turin an ngen tih sawiin, Vety minister pawhin theihtawp a lo chhuahpui tur thuin a lo chhang niin an sawi bawk.
ASF vanga Vawk suat ni lo, AFS avanga Vawk thi neitute pawhin zangnadawmna an dawn theihna tura state disaster management & rehabilitation-a an thlen pawh ASF leng chu ‘disaster’ a puan theih a nih tak loh hnuah Planning department lama an thlen leh thu AH&Vety minister chuan a lo hrilh niin MIPFA chuan an sawi bawk a ni.