Champhai district AH&Vety officer Dr B Lallawmsanga’n Vawk pul hri -African Swine Fever- (AFS) leng thawhkhatnaah Champhai district-ah Vawk 548-in an thihpui tih sawiin, a thaw- hhnihna chu kumin February ni 4-ah Cha- mphai Electric Veng atanga report dawn a nih thu leh March ni 21, 2022 ah NDDRL Bhopal-ah finfiah a nih thu a sawi.
Dr B Lallawmsa- nga chuan Champhai district-ah chuan ASF hrileng thawhkhatna chu nikum May ni 9-ah Zokhawthar khua atanga hmuhchhuah a nih thu leh hemi kum vek October-ah ASF vanga vawk thi hnuhnungber report dawn a nih thu a sawi a. ASF hian tun thlengin khua/veng 17 nghaw- ng mekin khua/veng 11 te chu ASF hri- lenna hmun ‘Infected area’ a puan a nih ta- wh thu leh veng/khua 6 atanga sample lak result nghah mek a nih thu a sawi.
Tun thla ni 27 thl- enga ASF leh ASF ni ngeia rin avanga Cha- mphai district-a Vawk thi tawh zat chu 614 niin, fimkhur thuah Vawk 100 suat a ni tawh a. ASF chu mih- ring leh lirthei veivahna bakah ran leh a sa phurh kualna lama darh thar leh a nih a rinawm thu Champhai district AH&Vety officer chu- an a sawi bawk.
Champhai district level committee on ASF & other transboundary animal diseases (TADs) chu nimin khan an chairman Champhai bawrhsap hova thukhawmin, ASF chungchanga hriattur tul te chu media leh digital leaflet hmanga puanzar thar leh an rawt a. YMA branch hrang hrang, VC leh mipui te, a bikin ramri hrula chengte hnenah inzirtirna zau thei ang ber neih an rawt.
Bawrhsap hova thu- khawm chuan ASF va- nga Vawk thi phumna remchang neilo veng/ khua an awm chuan a tul anga hmalak ni se, an ti a. Test result nghah chhunga hrileng a darh lohna tura hmalak dan tur te an sawiho bawk a ni.