Aizawl : Union Minister of State for Chemicals & Fertilizers leh New & Renewable Energy Bhagwanth Khuba chuan nimin khan Upper Khatlaa BJP State office a tlawh a, party hruaitute nen an inkawm.
An inkawmnaah hian Bhagwanth Khuba chuan, “BJP Mizoram in State President chak tak leh tha tak, taima tak in neih avangin a lawmawm hle a, State President chak tak kaihhruaina hnuaiah Mizoram ah sorkarna in la chan ngei ka ring a ni,” a ti.
India ramin Covid-19 avanga harsatna nasa tak a tawh laiin sorkar laipui chuan nasa takin a puiin free ration te, free gas connection te, housing for all te bakah mirethei te’n PM scheme kaltlangin chhawmdawlna leh malsawmna an dawng tih a sawi a. BJP thupui chu mi tupawhin an chanvo an chang tur a ni tih anih avangin, BJP sorkar hnuah central kaltlangin hmarchhak state teah hmasawnna nasa tak hmuh tur awm niin a sawi.
Bhagwanth chuan PM Modi sorkarin hmeichhiate a ngai pawimawh tih sawiin, India ram mipui za a sawmnga dawn hi hmeichhia anni a, chuvangin hmeichhia te hamthatna tur tam tak siam niin, chung hmeichhia te hming chuan free gas connection te, ration buhfai ah te, in sak tanpuina chungchangah pawh hmeichhia te hmingin pek anih bakah hmeichhia te tan PM Scheme tam tak siam a nih thu a sawi bawk.
BJP party member-te nen meeting neih a nih hma hian BJP Mizoram State President office chamber ah BJP Core Group member te nen Bhagwanth hoa inkawmna hun neih a ni.