Aizawl : India zalen kum 75-na lawmna kal zelah Tourism department-in nimin khan Freedom Trek a buatsaih a. Chief Secretary Dr Renu Sharma-i’n Khua- ngchera Hall, Ailawng kawt atangin Freedom Trek a telte a vailiam.
Chief Secretary chu- an thalai rual Freedom Trek-a tel tura kalkhaw- mte lawmthu hrilhin, Freedom Trek chu India ramin zalenna a hmuh theihna tura mahni inphat leh nunna chan huama penchhuak pasalthate hriatrengna leh chawimawina a nih bakah faina ka- wnga inzirtirna pawima- wh tak a nih thu a sawi.
Renu Sharma chuan “Kan thlahtute kha ramngaw leh nungchate nen inzahtawn takin an cheng ho thin a, an thlahte hian chu chu kan tidal telh telh mai a, a nghawng pawh nasa takin kan tuar mek a ni” a ti a. “Tuna chhuan awm mekte hian Pathianin thilsiamte inrem leh inngeih taka cheng za tura min tih kha kan chawinun a ngai a, thang leh thar, chhuan lo la awm turte tana chenna tlak khawvel kan hnutchhiah a ngai a ni, a ti.
Chief Secretary chu- an Mizorama khualzin hip kawnga tanlak kawngah faina leh thianghlimna, sik leh sa tichereulo zawnga kal a tul thu a saiw a. “Faina beihpui thlak -Swachh Bharat Campaign- cum-Responsible Tourism- hi thupuia kan neih a tul a ni, a ti bawk.
Freedom Trek-ah hian Aizawla College leh Higher Secondary Sch- ool zirlaite bakah thalai 300 chuang an tel a, Trekking a tel zinga upa ber, kum 90 mi Lalsanga, Bethlehem Veng, Aizawl a ni a. Manipur atangin Tourism department official an tel ba- wk. Sports & youth ser- vices department atangin trekking expert thahnem takin telpuiin an vil a, medical team-in uluk takin an vil bawk a ni.