Season thar a UEFA Champions League a khelh phak ngei tum RB Leipzig in rin loh takin player 10 a inkhel hmang zo Borussia Mönchengladbach chu an hneh lova, Thawhtanni zanah 3-1 in an tlawm.
Borussia-Park a inkhela an tlawm avangin Leipzig hi Bundesliga-ah a sang pali zingah an tel pha lo mek.
Europa League semi-final khel Leipzig hi kar hmasa khan Union Berlin lakah rin loh takin an tlawm tawh a, tunah an tlawm nawn leh avangin SC Freiburg hnuaiah an awm.
Breel Embolo chuan Gladbach tan minute 17-naah goal a khung a. Hei hi Leipzig chuan chuanvawr Christopher Nkunko chuan minute 36-naah a sut a, tun season-ah inelna hrang hrangah goal 31 a khung tawh.
Halftime dawnah Jonas Hofmann chuan Gladbach goal hnihna a khung a. Second half-ah Nico Elvedi chu Nkunku laka a foul avangin hnawhchhuah a ni a, tlem zawk an ni chungin Gladbach in Hofmann hmang bawkin an goal thumna an khung.
Gladbach head coach Adi Hütter chuan, “Ka team ten fak an phu a, vawinah an inkhelah sawisel tur lai a awm lo. First half-ah team tha zawk kan ni chiang a, second half-ah tlem zawk kan nih avangin a awlsam lo.” a ti.