Ramchhunga inhnialna nasa tak ni chho mek Hindi chungchanga thu inchuhna chuan Bollywood lam pawh a nghawr na viau a, tunhnaia Ajay Devgn-a’n Hindi chu India rama hnam tawng (National language) a nih thu a vawmletna chu zaithiam lar Sonu Nigam-a’n a chhanglet nghal.
Bengalaru-a function neihna pakhatah Kichicha Sudeep chuan ‘Hindi hi hnam tawng bik a ni tawh lo’ tia KGF: Chapter 2 film-in nasa taka India film industry mai ni lo, khawvel a denchhuah dan sawichiannaa a hmang kha Ajay Devng hian a la na viau ni ngei tur a ni.. Kannada star hriat ngei turin, ‘Hindi hi national language ni lo ta se, tawng hrang hranga siam film te hi a tawpah chuan Hindi dubbed an ni lehzel,” a ti.
Hei hi zaithiam lar Sonu Nigam ngaihdan a ni loh bakah vawmlet ngei tula nia hriain, “Kan ram Danpui khawiahmah hian Hindi hi kan hnam tawng a nihna pakhatmah tarlan a ni lo. Tawng hman tam ber te pawh a ni mah se, mahse national langauge a ni lo. Tamil tawng hi tawng upa ber a ni a, hman atang awh khan Sanskrit leh Tamil chungchangah inhnialna te pawh a lo awm thin a. Mahse, mi tam takin Tamil hi khawvela tawng upa ber niah an pawm a ni,” a ti.
Hindi hi nantional language a ni emaw ni lo emaw, sorkar laipui lamin uar lehzuala hman a tumna lamah tawng dang te tana ngaimawh tham leh thik tham mai bakah vulh len uchuaka tumna nia ngaih theih tura a vulh sauh sauh ngai thei lo hi ramchhungah mi tam tak an awm a, politics-ah hnuhluh a nih tawh avangin thu inchuhna a nasa a, boruak pawh a sa thei hle reng a ni.