Aizawl Bawrhsap leh Central YMA tangkawpin nimin zing khan Vanapa hall tualah hmankhat daih sarang chungchang inzirtirna an buatsaih a. Hei hi India zalen kum 75-na lawmna kalzel denchhena buatsaih a ni.
Hmankhat daih sa- rang chungchang inzi- rtirnaa tel tur hian Aizawla YMA branch 14 atangin member 20 theuhin hmankhat da- ih sarang hmang lo tura mipui zirtirna thuziak te kengin ke-in Vanapa Hall tual an pan khawm a. Hman- khat daih sarang hm- ang lo tura intiamna leh midangte zirtir tura intiamna an chham rual bawk.
Aizawl Bawrhsap Dr. Lalhriatzuali Ral- te-in he hun buatsaih hi ram leilung tichhe thei (degrade), hman- khat daih sarang do kawnga sorkar leh CYMA hmalak bultanna a nih thu a sawi a. Mihring hrisel nan boruak thianghlim leh chheh vel environment a tul thu sawiin, rilru leh taksa hrisel chu ram hmasawnna atan a pawimawh thu a sawi.
Dr. Lalhriatzuali Ralte chuan mitin te faina ngainaa, inthlahdah leh dawngdah nun nei lova, khawtlang leh ram tana tan la zel turin a chah a. Faina chungchangah tawihtheilo plastic/sarang then fai hnatlang ven- gtina ko turin branch YMA te a ngen a, sorkar pisa thenkhat – Directorate of Rural Development, Environment, Forest and Climate Change department pisa te chu plastic free office-ah puan a nih thu sawiin, pisa dang te pawh puan a nih zel a beisei thu a sawi bawk.