Khawlum + Ruah sur
hnuaia Hritlang Hahchhiau!

Sik leh sa a inthlak sek a, khua a lum chho a, ruah te pawh a tla leh thin bawk a. Heti ang hunah hian hritlang lak a awl hle. Hritlang pik hian khawsik leh awm nawm lohna hrang hrang a thlen a, chuvangin hun harsat tak paltang mek laia hrisel tha taka awm tur chuan heng te hi zawm that a ngai ngei ang.

Muttui a pawimawh: Tui taka mut leh mutkhamna hian taksa a tichak lehzual sauh thin. Zirchianna atanga a lan danin, zana darkar 7-8 emaw tal mu ngai lo te hian dinhmun derthawng taka an mahni pawh an inhlangkai nghal tih a ni a. Ttui taka mut leh mut nana darkar 7 tal hman thin hi inchhirna titlemtu a ni.

Hei le, Vitamin: Hritlang kai lohnan leh ziaawmnan Vitamin C hmawm zauh ai hian, Vitamin D hi a pawi-mawh zawk niin mithiamte chuan an sawi. Hei hi Ni zung atangin awlsam te-in a hmuh theih a, mamawh tawk hmuh anih loh chuan bacteria leh virus hrik tihlumtu protein a siam chhuak tlem dawn tihna a ni a, a hlauhawm hle. Vitamin leh mineral awm tamna ei uar a pawimawh a nih chu!

Tuam lum rawh: Ho viaua ngaihna a awm mai thei. Mahse, thu dik ziktluak a ni tlat. Khua a vawh deuh hunah I ke zungtang te kha tuam-lum thin la, dah vawh reng chi a ni lo. Hei hian hritlang tur a veng thei. Ke lawnga awm reng hian thisen kalvel a tibuai hma em em a, chu chuan natna laka indo puangtur taksa chakna a tihniam thei.

Chet chhuah hun: Hun bi nei leh pangngai taka taksa insawizawina nei thinte hi an hritlang khât hle. Insawizawina hian thisen leh chil (saliva) ah ‘immune cell’ a siam hi a tipung lehzual a, chu chu natna hrang hrang hian an ngam meuh lo. Kea kal te, cycle khalh te, aerobics tihte hi i tan a tha a ni.

Fai takin aw: A khât tawka kut fai taka sil thinna hian hritlang tur a veng thei a. Bacteria hrik that thei tura siam sahbawn hman thin tur a ni a, In thlen veleha kut sil te hi chin dan tha a tling.

Tui leh Puruvun var: Taksa khawl (immune system) tichak tur chuan puruvunvar leh purunsen ei that a pawimawh. Pawn chhuah sek a theih loh bawk a, In lama tawm ni len ngai bawk nen, ei thin ang che. Tin, khawlum leh vawt (ruahsur) inthlaksek ah hian taksa in tui mamawh tâwk a neih ngah a ngai a, hunbi nei taka tui in tam tur a ni ang. I hrereng dawn nia.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427