Nupa inthen hnai ta, a tih theih!

INVIN HLAWIH HLAWIH
Han inbiak hlek emaw inhmachhawn veleha tawngkam vin tak hman nghal hlawih hlawih anihin emaw inpuhna leh inmawhchhiatna a ri zing tulh tulh a. Tawng el leh intawng khum na te a rik rin deuh deuh bawk chuan, khai le, inthenna lamtluang zawh turin thui in mamawh vak tawh lo, a tih theih ang.
Tu emaw zawkin boruak tha te te-a kapui a tum laia pakhat zawkina sawiselna tur ringawt a buaipui reng bawk anih si chuan inthen mai thei turin dinhmun insiam sauh sauh tihna a ni.

TANRUAL TUMNA AWM LO
Hun a lo rei a, ‘kei’ tih thawm a ring tan ta! Pumkhat nih tawh chuan a tam thei ang bera thil tih dun leh thawhhona tam zawk a pawimawh hle tih hrereng chung siin, nitina in thil tihna reng renga inpuih tawnna te, intawiawmna leh inngaihsakna awm miah lova, mahni chauha thil tih rek rekna boruak a lo thlen tawh chuan in nupa nun kha a nghing lawih lawih tawh tihna a ni a, inthen inhnaih ta hle.

HUN INHMANPUI LOH
Nupaa insiam hnu hian inhnaih leh insi riala awm reng theih a ni lova, mahni hna leh tulna thil-a bir ngur ngur a tul châng te pawh a awm ang. Amaherawh chu, thil tihna reng renga inla hrang a, a hranpa ngata khawsak tum ni awm taka tawngkam leh chetna a lo tam telh telh anih chuan buaina a hnai ta hle. Nupui te chhungkhat ngaihsak lohna a lo tam a, pasalte chhungte ngaihthahna a thlen reng si chuan buai hmabak chu in ni ta reng mai.

INREM SIAMNA AWM LO
Mi pahnih inkara inzawmna leh inkungkaihnaah hian ‘inhriatthiam tawnna’ hi thil pawimawh tak a ni a. A mamawh leh duhzawng hriatthiam te, chumi mila kalpui thiamna te hi thil tangkai tak a ni bawk. I kawppui kha a hlim a nih chuan i indaih lohna leh buaina deuh thilah khan hnuhluh talh tum suh. Mahnia inremsiam mai tur a ni a, a dinhmuna indin tir a, a tul dan a zira a hriat kher ngai lova inremsiamna lo neih sak thin hian nupa boruak a tinghet zual sauh thin tih i hrereng dawn nia.

NAUPANG THIL AH
Fa te an lo awm hian nupa inkar hi engtin emaw takin a phuar khawm tha hle thin a. Fate buaipui a, hun hman tam te hian nupa inkar hi a inhnaih lehzual sauh thin bawk. Chutih laia, fa neih duh rih lo tlat emaw fa neih tumna lam hawia inbuatsaih duhna thinlung a awm loh hian nupa inkarah neuh neuh a tam hmâ em em a, nitin tih mai tur hian inhauhna hi a thleng thin.

SIAMTHATNA TEL LO
Eng emaw chhan hrang hrang vanga in nupa inkar chhe mek leh tlabal tawh siam that tuma hmâ i lakna ah hian a lehlam zawk khan hriatthiamna zau tak nena a lo dawnsawn loh che a, harsatna sutkian dan tur te a sawi pui loh che a, a ngaihsak bawk loh che chuan mahni maia siamthat theih ni hek lo le, inthen inhnaih ta hle.

CHEZIA AH LANG
Mit mei leh chezia hian nupa inkarah pawh a chhia a thain nghawng na tak a thlen thei a. Inhauh leh intihthinrim chânga a zawl dawhtu leh a tlâwm zawk nih tumna a awm reng reng lova. Tu emaw zawk zawk a tawng pang pang a, mit mei, hmel leh chezia-a thinrimna leh lungawi lohna a tihlan a, thawm bengchheng a chhuah fo anih hian tlin loh chin a awm nge nge thin a, step khatin inthen inhnaih ta sawt.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427