India ram pumah coronavirus kai an tam avanga inenkawlna hmanraw pawimawh, oxygen indaih lohna thleng meka Indian Railways-in state hrang hranga sem darh hna a thawh mekah liquid medical oxygen metric tonne 1,125 an phur darh tawh.
Railways hian tanker 76 hmangin state hrang hrangah an phur darh a. A phur tur hian Oxygen Express 20 duan chuan an tum ram theuh an thleng tawh a. Oxygen Express rel dang pasarih, tanker 27 hmanga oxygen metric tonne 422 vel phur pawhin an tum ram an pan mek.
Hei bakah hian Oxygen Expres dang 27 pawhin Delhi panin metric tonne 120 nen an pan mek a, Durgapur atanga chhuak niin vawiinah Delhi an thlen rin a ni.
Telangana pawhin Angul atangin Oxygen Expres rel, metric tonne 60.23 phur an nghak mek bawk.
Haryana pawhin Oxygen Express rel tum hnihna leh thumna tur, metric tonn 72 dawn phur, Odisha-a Angul leh Rourkela atanga tlan an nghal mek.
Oxygen Express rel dang, metric tonne 85 phur, Hapa, Gujarat atanga tlan chhuak pawh New Capital Region (NRC) vela sem darh tur, Gurgaon thleng tur pawh a kal mek bawk.