Season thar a UEFA Champions League khel tura Real Betis in ke an penna chu Getafe in Thawhtanni zanah an dalsak a. Goal inpe lovin an inhnehtawk.
Manuel Pellegrini pawlte hi tun season-ah Copa del Rey-ah an champion a. Kum 2005 hnua a vawikhatna atan La Liga-ah a sang pali zinga awm an tum mek.
Mahse Getafe nen an inhnehtawk avang hian palina a awm Atletico Madrid chu khelh li la awmah point thumin an pha lo mek.
Estadio Coliseum Alfonso Perez ah Betis in chance tha zawk an nei a, German Pezzella leh Nabil Fekir ten goal an khung teuh.
Hetihlai hian Getafe in goal ven buaipuiin goal hlauhawm an nei tam lova. Tlak hlauhawm a awm pha Quique Sanchez Flores-a team in point khat hlu tak an hmu.
Real Betis hian tun kartawpah Barcelon an mikhual a. Season tawpa a sang pali zinga tel tura an elpui zing ami nen inkhel pawimawh an khel ang.