Arsenal mipa team manager Mikel Arteta leh hmeichhe team head coach Jonas Eidevall te chuan contract thar an ziak.
Kum 2019 December a lakluh Arteta hian kum 2024-25 season thleng club hi a enkawl dawn a. Nikum a London club zawmtu Eidevall hian 2023-24 season thleng contract a pawtsei.
Arsenal director Josh Kroenke chuan, “Heng inremna te hian kan hma hun chiang zawk leh felfai zawka kan dai chhoh zel theihna tur kawng a hawng.” a ti a.
“Club hian hmalam pan zel a, bung thar kai kan tum a. Club lian zawkte nena inelna kan duh. Chumi tur hian Champions League kan khelh hi a ngai.” tiin Arteta chuan a sawi a. Tun dinhmunah Gunners hi Premier League-ah palina ni mekin season thar a Champions League khelpha tur dinhmunah an ding mek.
Eidevall hi Women’s Super League-ah pahnihna ni mekin khelh khat la awmah Chelsea nen point khat chauhin an inthlau a, champion thei dinhmunah an la ding ve ve thung.