Israeli pathum thattute man

Ningani kal taa Israel ram chhunga hrei leh chemte hmanga Israeli pathum beia thattu nia hriat Palestinian pahnih chu an man tawh niin police chuan an sawi.
Ultra-Orthodox Jewish khua, Elad-a tharum thawhna a thlen hnuah hian zau takin a titu zawn an ni.
A titute hi chhungkaw tam takin Independence Day lawm leh khawlaia an inhawr khawmnaah an tang a ni.
Tun tuma thil thleng hi March thla chawhnu lam atanga Palestinian leh Israeli Arab-ten Israel-a beihna an thlen tharlam ber a ni.
Mi dang pasarihin hliam an tuar a, mi pahnih chu an na hle.
A titute pahnih hi Elad daia ram hnuaiah hmuh an ni a. Israeli thuneitute chuan West Bank hmar lam, Jenin district-a mite an nih thu an sawi.
March 21 hnu lamah khan Israel leh West Bank-ah Israeli 17 zet thah an ni tawh a, an zingah hian Israeli Arab police leh Ukrainian pahnih an tel bawk.
Israel-in a titute an dapna leh an luhchhuahnaah Palestinian 26 an thi tawh a, an zingah hian Israel-a beihna thlentute pawh an tel.
Tun hnaiah Jerusalem-a hmun thianghlim, Muslim-ten al-Aqsa mosque compound an tih leh Judaten Temple Mount an tihah boruak a tang hle.
Helai hmunah hian tun hnaiah tharum thawhna a thleng nasa a, police nena an innawrnaah Palestinian tam takin hliam an tuar.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427