District Level Task Force-in Bachpan Bachao Andolan leh Childline tangkawpten nimina beihpui an thlaknaah Assam-a Darrang district-ah hnathawka naupang chhawr lai 18 an chhanchhuak.
Kharupetia-a sumdawnna hmun hrang hrang – garage, tyre repair workshop, khualbuk, thingpui dawr leh hardware shop-a hna thawka naupang chhawrte hi vai an ni.
Beihpui thlakna hi Darrang-a District Child Protection Unit (DCPU) hotute leh sorkar tel lova naupangte dikna chanvo humhalhtu, Bachpon Bachao Andolan leh Childline India tanghova beih a ni.
Heng naupangte hi District Child Welfare Committee hmaah hruai an ni.
DCPU Darrang chuan heng naupangte lo chhawrtu sumdawnna hmun neitute lakah hian e Child & Adolescent Labour (Prohibition & Regulation ) Act 1986 angin thil an kalpui dawn tih a sawi.
Assam-ah hian tun hnaiah hnathawka naupang chhawr lai hi chhanchhuah zeuh zeuh reng an ni.