Prime Minister Narendra Modi chuan Thawhtanni hian Nepal tlawhin Buddha pianna hmun, Lumbini pawh a tlawh dawn.
Prime Minister Modi hian a thenawm, Himalaya tlangdunga awm ram hi an prime minister, Sher Bahadur Deuba-a’n a sawm angin a tlawh dawn a ni.
October, 2021 khan Modi-a hian Uttar Pradesh khawchhak lamah Kushinagar International Airport chu a hawng a, he tumhmun hi ram dang zin mite tan a nih bakah Buddhist biakzinten an sakhaw hmun pawimawh, Lord Buddha-a’n nirvana a channa, Mahaparinirvana Temple an tlawhna awlsam zawk nana tih a ni.
Kushinagar tumhmun puitlin hi India sorkarin kum 2016-a hmasawnna tur ruhrel a din tura a ruahman pakhat, ‘Buddhist Circuit’ an tih tihhlawhtlinna mellung pawimawh tak a ni a. Khawvel huap pawha zahpuiawm loh tumhmun hian ram dang atangin India-ah khualzin a hip nasa a, Buddhism pianna hmun leh an hmun thianghlim ber tlawhna remchang a siamsak a. Khualzin hipna hmanraw tha tak a tling.
Buddhist sakhua hi India rama piang a ni a, an hmun thianghlim pawh ram chhung hmun tam takah a awm a. Hei vang hian sorkar laipui pawhin a ngai pawimawhin khualzin hip nan a hmang nasa hle.
Modi-a’n Nepal a tlawh turah hian ram inkungkaihna pawh tam tak sawi a ni ang.