Beiseiawm film thar, beidawnthlak angreng takin bultan!

Bollywood star Ranveer Singh channa film beiseiawm tak, ‘Jayeshbhai Jordaar’ chuan box office lamah bul a tan fuh lo hle.
Social issue lian tak ni mek, ‘female foeticide’ lam hawi tarlanna a ni a, kartawp lama tihchhuah film lian tham awmchhun hi review thlengin a darhsarh nuai mai a ni ber.
Trade Analysit te pawhin bul a tan chhe lutuk leh beisei pha lo angreng taka khaw eng a hmu nghal mai chu ngaihthat lohna lian tak neihtir tu a ni deuh mai a, tunkar chho hian eng nge maw a an dawn, sawi chian theih pawh a ni lo.
Film siam phat anih atang reivew lam pawh a tha in, fan te chu phur namen lovin an phur kha a ni a.. tunah erawh Ranveer-a channa film hian Cinema Hall khat mup mup ko kawm thei turin theihna a nei chau ta hle.
He movie hi Gujarati nupa, Jayes leh Mudra te chanchin tarlanna niin, fa pahnihna tur beiseiin an awm mek a.. an khaw lal fapa Jayes leh a nupui hian an thlah kal zela innghahna tur mipa neih ngei ngei tul tihna pressure na takin a delh reng mai chanchin a ni.
Ranveer bakah milar Boman Irani, Ratna Pathak Shah leh hmelthar Shalina Pandey te hian an part theuh hnehsawh viau angin lang mah se, a englai ber nge fuh tawk lo tih hriat har khawpin bul an tan fuh lo.

Leave a Reply

Your email address will not be published. Required fields are marked *

error: Content is protected !!