Khawlum zel karah a ken tel kan hriat zui a ngai
Ruah han sur leh bawk thin mahse, khawlum erawh a reh phah tak tak chuang lo a, kangmei chhuak thei lakah fimkhur a ngai reng tih i hre thar fo ang u.
A ni telin khawlum a zual telh telh a, India ram laili leh khawvel hmun dangte pawhin khawlum hi an tuar nasa leh tawh hle a, kumdanga a lum thin aia hmaa khawlum zawng tehna khawlin a hawlsan hunte a ni cho nawk hlawm bawk. Hetiang hi kan khawvel dinhmun a nih chhoh mek avangin in lam leh ram lamah kangmei chhuak lo tura kan fimkhur a, theihtawp kan chhuah fo zel hi a ngai a ni.
Tun Pathianni maiah pawh khan Mamitah in kangin, bungraw engmah chuh hman a ni lo a, a pawi hle. Kan electric leh kan meichhemna hnuhma mai bakah, kan meizial zuk bung thlengin paih fimkhur ila, zirtirna tha dawngtu nun dan tur dik taka nun i ching fo ang u.
Khawvelin khawlum chho zel hi a vei a, keini pawhin kan vei ve a ngai. Khawlumin ken tel a neih hrang hrangte hrereng chungin hma la ila, kangmei tichhuak lo tura tan kan lak thar zel a tul tak zet tih hrerengin kan hnuhma i enfiah zui hram hram thin bawk teh ang u.