British tlang lawn mi, Kenton Cool chuan a vawi 16 nan Mount Everest chhip a thleng leh ta.
Inrinnia a lawn chhuah chiah hian metre 8,889-a sang, khawvela tlang sang ber hi Nepali ni lo zinga vawi 16 lawn chhuak thei hmasa ber a ni ta a ni.
A hmaa vawi 15 a lo lawn tawhnaah hian khawvela tlang lawn mi hriat hlawh tak takte pawh a lo lawnpuiin a hruai tawh thin a. Heng zingah hian Sir Ranulph Fiennes leh broadcaster Ben Fogle te pawh an tel.
Tlang sang ber hi Kami Rita Sherpa leh Lhakpa Sherpa ten an lawn chhuak zing ber.
Cool-a hian Everest triple crown an tih, Everest, Lhotse leh Nuptse te a lawn chhuak vek tawh a, hengte hi base camp lama kir leh miah lova a lawn vek an ni.
Khawvela tlang sang ber dawttu, K2 pawh British guide zinga lawn chhuak hmasa ber a lo ni tawh bawk.
Gloucestershire lam mi, Cool-a hi kum 1996-a rock-climbing-a tawhsual a tawh hnu khan a keartui ruh a tihchhiat ve ve avanga puihna tel lo chuan kal tawh lo tura tih a ni.
An zai atanga kum khat hnuah mi thiamte ngaihdan ang lo takin therapy nena tangin a kal thei.
A lawn hma lawk hian Cool-a hi hmel hlim takin a awm a, khaw chin a dik a, team tha tak a neih thu a sawi bawk.
“Everest ang tlang lawn tura inrintawk leh lutuk chu a hlauhawm abase camp thlen leh hma chu engmah sawi lawk ngam a ni lo,” a ti.
A lawn chhuah hnuah a Instagram page-ah, “A chhip hlawhtling taka thlen a ni ta. Kenton leh Team chuan Chomolungma, Sagarmatha, Mt Everest chhip an thleng a. KC-a’n a vawi 16 lawn chhuahna a ni a, Sherpa ni lo zinga lawn chhuak ngun ber a ni,” a ti.