Aizawl : MZP-in Mi- zoram board of school education (MBSE)-in HSLC 2022 result felfaia a tihchhuah avanga lawmawm an tih thu sawiin, ram leilung fa pahnih topper an ni pawh lawmawm an tih thu an sawi.
HSLC pass thar zaw- ng zawng te an lawmpui thu sawiin, hlawhtling ve ta rih lo te beidawng lova, rilru thar nen a lehpeka hlawh- tlinna chang ngei tura tan la turin an ngen.
Students’ self-support union pawhin HSLC pass thar te an lawmpui thu leh hlaw- htling ve ta rih lo te an tawrhpui thu an sawi a. Kumdanga top 10-a lang pha ngai lo tuna lang school pawh an lawmpui thu leh zirlai hlawh- tlinna sang tak neihpui thei zirtirtute inpekna fak- awm an tih thu an sawi.
Kum 2021-a distinction-a pass 6.2% khuma 12.12% a ni ta pawh lawmawm an tih thu SSU chuan an sawi a. Tuntum HSLC result pumpuiin nikum a pass percentage 82.43 chu 11.79% laia a phak lo leh 2021-a topper mark hmuh aia kumina topper mark hmuh tlahniam erawh pawi an tih thu an sawi bawk.
MSU pawhin HSLC pass thar te an lawmpui thu sawiin, kum hmasa aia 11.79% laia pass percentage tlahniam era- wh pawi an tih rualin, hri leng kara pass percentage 70.64% lai a ni thei erawh MSU kumpuan -Ram leh hnam humhalh nan zirna uar- tih hlawhtlinna pakhat nia an ngaih thu an sawi.
HSLC exam hmachh- awn tura zirlai 18,357 beisei an nih laia 17,417 chauh inlana 940 lai an absent leh pass zo lo 4,928 an awm chu zirlaite inthlahdah vang nia an hriat loh thu sawiin, hri leng kara zirlai 12,304 zetin an pass theih avangin zirna enkawltu, zirtirtu leh zirlaite chhuanawm an tih thu an sawi a. COVID19 hri an kai avanga exam tluan theilote tana special exam buatsaih tur lawmawm an tih thu sawiin, special exam hmachhawn turte duhsakna an hlan.