Oasis band kehdarh dawna unau hniha inhnial buaina vanga Guitar tihchhiat chu lilam niin, pound 325,000 in an hralh.
Kum 2009 Rock en Seine festival, Paris-a neihah khan backstage lamah Liam leh Norel te unua hnih hi nasa taka inhnial buaiin, an inlan hmâ minute reiloteah Noel-a’n band a chhuahsan fel nghal a, heta an inhnial buainaah Gibson sen, ES-366 chu tihchhiat a ni.
Paris khawpuia August 2009 a thil thleng hian rimawi khawvela band duhawm ber zingami Oasis tawp fel hmakna a ni zui nghal.
Thla hmasa khan he guitar hi lilam a nih tur thu puan a ni a, nimin khan lilamnaah pound 125,000 in bul tan niin, a tawpah chuan pound 325,000 in tihral a ni.
Artpeges gallery-a neihah hian he guitar hian modern musi history-ah hmun pawimawh tawpkhawk a changpha nia sawiin gallery hmuchhuaktu Jonathaan Berg chuan, “Unau hnihte inkara inngeih lohna leh inhmuhthiam lohna hi hun rei tak atang tawha intuch nghet chho kha a ni a, backstage lamah a puak keh ta a ni ber. Noel-a guitar tihchhiat a ni a, group pawhin tawpzai a rel ve nghal,” a ti.