Borussia Dortmund chuan an coach Marco Rose chu a hnuaiah season khat chauh la khel mahse trophy an chawi loh avangin an ban.
Kum 45 mi hian nikum nipui khan Signal Iduna Park-ah hian hna a thawk tan a. Hemi hma hian Red Bull Salzburg leh Borussia Monchengladbach-ah te fak hlawh takin hna a thawk tawh.
Mahse tun season-ah champion lai Bayern Munich chu point 8 laia an phak loh bakah eng inelnaah mah an champion lo.
Rose hnuaiah hian match 47 khelin heng zingah hian 27-ah hnehna an chang a. Bundesliga-ah Bayern Munich umpha lo viau thin mahse UEFA Champions League Group stage a an tlak leh Europa League a Rangers laka an tlawm te an chetsualah a langsar hle.