Party-a rinawm tawp ni lo, policy tha zui mai tur kan ni
ZPM Leader Lalduhoma chuan Mizoram in kan tihsual lian ber pakhat chu party a rinawm tura kan inzirtirna hi a ni, a ti a. A pawmawm viau mai.
Tun hnai khan Mamit District khawthlang lam an kalnaah ZPM Leader hian thusawiin, an party policy leh kalphung hrang hrangte a sawichhuak a, a thusawi thenkhat hi chu engpawh lo nise, Mizoram mipuite hian party politics hi kan ngaihven thar leh deuh hrim hrim hi chu a ngai a ni.
Lalduhoma hian, “Mizoram tihsual chu party-a rinawm tura kan inzirtir hi a ni, ram hruaituten ram an phatsan chuan kan bânsan hmak tur a ni a, policy pen bosantute tui lo chunga zui hi mipuite bat a ni lo,” a ti a, a dik viau mai.
Politics thlipuiin mitin min nuai a, chhungkaw tin min chenchilh a, ngaihven loh theih loh khawpin thuthar kan hrereng ta bawk. Hetiang hi kan dinhmun a nih ve tawh avangin party feeling pe na tak tak pawh kan awm phah a, mahse mahni tan lam leh awmnaten an policy an keng chho reng thei em tih ngaihven erawh kan tlem ta viau thung niin a lang, i harh thar teh ang u.
Kan awmna party hi an dik reng thei lo a, sorkar na siam hnua ke pen bo tlatte pawh thil awm thei tak niin a lang thin. Chutiang hunah chuan mipui lam pawhin ngaihtuahna kan sen a tul a, kan hawi zawng kan thlak thiam a tul tih i hre thar ang u. Ram tha leh nuam kan siamna tur lam hi kan hawi a ngai tawh hle.