India Meteorological Department (IMD) chuan India hmarchhaka state hrang hrangah ni nga lo awm tur chhung, May 27 thleng hian ruah a sur dawn niin a sawi lawk.
Nimina weather report a tihchhuahah IMD chuan nimin pawh khan Sikkim, Assam, Meghalaya, Nagaland, Manipur, Mizoram leh Tripura-ah ruah tam tak a sur dawn niin a tar lang.
IMD hian Sikkim, Assam, Meghalaya, Nagaland, Manipur, Mizoram leh Tripura-ah hian tek pawh a tla thei dawn niin a sawi lawk bawk.
Vawiin pawh hian Assam leh Meghalaya-ah chuan ruah tam tak a sur dawn niin a sawi lawk a. Thli pawh darkar khata km 30-40 vela chakin Sikkim, Assam leh Meghalaya hmun thenkhatah a thawk thei niin a sawi bawk.
Nilainiah pawh hian Arunachal Pradesh, Assam, Meghalaya and Nagaland, Manipur, Mizoram leh Tripura-ah ruah tam tak a sur rin a ni bawk a. IMD chuan he mi ni hian heng state-ah hian tek leh khawpui ri pawh nasa tak a awm dawn niin a sawi lawk.
Ninganiah pawh Assam, Meghalaya, Nagaland, Manipur, Mizoram leh Tripura-ah ruah a sur zui rin a ni a. Hemi niah hian Arunachal Pradesh, Assam, Meghalaya, Nagaland, Manipur, Mizoram leh Tripura-ah chuan tek a tlak rin a ni.
Zirtawpniah pawh Assam, Meghalaya, Nagaland, Manipur, Mizoram leh Tripura hmun thenkhatah ruah a sur a rinawm a. IMD chuan Arunachal Pradesh, Assam, Meghalaya, Nagaland, Manipur, Mizoram leh Tripura-ah tek a tla dawn bawk niin a sawi.