Russia-in Ukraine a run chuan ni 88-na hmel a hmu ta a. Filmstar, singer leh milar dangte’n indona-in a tuam mek ram tan kawng hrang hrangin thlawpna an an lantir karah Harry Styles pawhin Ukraine flag nen stage a mawi.
‘As It Was’ hla larpuitu hian Madison Square Garden, New York city-a show a neihah a chetdan leh inlan dan chuan fan te leh follower te lung a tiawi hle a, One Direction member hluiin Ukraine a thlawpna vangin lawmthu an sawi mawlh mawlh.
Sold-out conert pui takah Harry Styles hian a hla lar, ‘Sign of the Times’ a sak laiin, entu mipui atanga mi pak hatin Ukrainian flag a pek chu la-in, hla sak chhung zawngin a keng a, a vai bawk. He video hian social media a luah lum chak hle a ni.
Tun tum hi Harry Styles-a’n Ukraine thlawpna a lantir vawikhatna a ni hauh lova, Coachella 2022 ah pawh khan a zai laiin, background lamah Ukraine flag mawi tak a phochhuak tawh bawk. Hei hi Russia-in Ukraine ram a run hnu-a a dodalna leh Ukraine mipuite a thlawp tlatzia lantirna a ni.