Kum 2016 April atanga kumin March thleng khan Kolasib district-ah pawngsual tawk naupang 106 an awm a, kumin April atanga nimin thleng khan Kolasib district-ah pawngsual tawk naupang 5 an awm tawh.
Kolasib district child protection unit office-in a chhinchhiah danin, Kum 2016 April atanga kumin March inkarah kum 2018 kha thubuai an ziahluh tam ber kum niin, thubuai 31 an ziaklut a. Kum 2016-200 chhung hian kumtin thubuai 13.25 ziahluh anga chhut a ni.
Kum 2016 April atanga kumin March inkar chhung vek hian Kolasib district-ah Protection of children from sexual offences (POCSO) dan bawh- chhiaa naupang khuaikhemtu puitling 69 an awm a, Kumin April tanga nimin thleng khan thubuai 4 a awm tawh a, kum 2016-2022 chhunga POCSO thubuai nei puitling tam ber kum chu 2018 niin, thubuai 18 a awm. Kum 2016-2022 chhung hian kumtin POCSO thubuai nei puitling 8.625 awm anga chhut a ni.
Kum 2015 atanga 2022 chhungin Kolasib district-ah POCSO dan an bawhchhiat avanga thubuai siamsak naupang 26 an awm a. Kumin April tanga nimin thleng khan thubuai 1 awm tawh a, kum 2015-2022 chhunga POCSO thubuai nei naupang tam ber kum chu 2016 niin, 7 an awm a. Kum 2015-2022 chhung hian kumtin POCSO thuabuai nei naupang 8.625 awm anga chhut a ni bawk.