Animal Husbandry & Veterinary Minister Dr. K. Beichhua chuan nimin khan Mualpuia sa talhna in a tlawh a, ran ek sawngbawlna siam that mek a enfiah nghal.
Mualpuia ran ek sawngbawlna hian a dawl zawh tawh loh avang leh a chhehvela chengte tan a hnawksak tawh avangin AH&Vety Minister Dr. Beichhua chuan siam that tumin nikum lam khan hma la tawhin, hei vang hian tunah siam that hna thawh mek a ni.
Ran ek sawngbawlna hi Effluent Treatment Plant tih a ni a, heng hian Waste Collecting Tank te leh Drain Channel te a keng tel a ni.
Dr Beichhua chuan hnathawktute chu rintlak taka hna thawk turte leh a hun taka an hnathawhte peih fel hman turin a chah nghal bawk.
Dr. K. Beichhua hi AH&Vety Secretary Lalzarmawii IAS, Joint Secretary Dr. Lalngura Tlau leh AH&Vety Director Dr Lalremliana ten an tawiawm.