Aizawl : ZPM thalaiin “MNF president, chief minister ni bawk Zoramthanga’n a sawi angin leilet nei hnena khawl sem tur leh ration atân Mizo buh sem turin kan phut” an ti.
Kum 2018-a MLA inthlan hmain MNF president-in Mizoram ah phaizawl hectare 70,000 a awm thu leh chu chuan Mizoram a chawm zawh thu a sawi niin ZPM thalai chuan an sawi a. “‘Sorkarna kan chan phawt chuan vai buh kan ei tawh lovang’ a ti a, an sorkar term a tawp dawn thlengin vai buhfai hlir kan la ei” an ti.
ZPM thalai chuan tun thla ni 21-ah pawh Supply minister-in “Buhfai kan dah khawl zingah kan thar a awm lo” a ti niin an sawi a. Vai buhfai ei tihtawp tura Zoramthanga intiamna anga ration-a Mizo buhfai sem a nih hun tur tichiang thuai turin chief minister chu an phut bawk.