Delhi court chuan inlak hran tum pawl hruaitu leh Jammu & Kashmir Liberation Front (JKLF) chief Yasin Malik chu dam chhung lung in tang turin a hrem ta.
Kum 56 mi hi kar kal ta khan thubuai a neihah pha nasa hle mah se Kashmir Valley-a kum mi firfiakte tana sum khawn, firfiakna thehdarhtu leh ram phatsan zawnga chea puhnaah thiam loh chantir a ni.
Malik-a hi Unlawful Activities Prevention Act leh Indian Penal Code Section 120-B (criminal conspiracy) leh 124-A (sedition) bawhchhiaa puh a ni a. March thlaah khan heng puhna hi pek niin May 10 khan thiam loh chantir a ni a, court-ah thiam loh an chantirnate chu khin let a tum loh thu a sawi.
Malik-a thubuai hi Pakistan-a firfiak pawl, Lashkar-e-Taiba chief Hafiz Saeed leh inlak hran tum pawlte nen a inzawm a. Mi phiarna tipunlun, ram pawn leh a chhung atanga inlak hran tum pawlte tana pawisa khawna dawng thina puh an ni a. Heng hi Jammu & Kashmir-a chetna atana tih a ni.
National Investigation Agency (NIA) chuan thubuai hi an chhui a. Kum 2017 khan thubuai ziak lutin mi eng emaw zat lakah pawi an khawih ngei tih charge sheet an siam.
Thubuaia hming lang dangte chungthu pawh rel chhunzawm tur a ni a. Saeed leh Hizbul Mujahideen chief Syed Salahuddin te chuan an inhnamhnawih loh thu an sawi ve ve.
Malik-a hi kum 1987-a Jammu & Kashmir inthlanah khan Salahuddin-a polling agent-ah a lo tang tawh.